حالة الموضوع:
مغلق
  1. مسلم السيلاوي

    مسلم السيلاوي DeveloPer Plus

    الأنتساب:
    ‏20 يوليو 2014
    المشاركات:
    154
    الإعجابات المتلقاة:
    4
    نقاط الجائزة:
    18
    [​IMG]

    [​IMG]

    [marq]عليكم بداعت الشسمة اقروهة [/marq]

    إتعرفون الحرب العالميه الثانيه تقريبا بالـ (1935).. ..
    .يجي حنش چان بوكتها عمرة 10سنين...

    المهم هوه جان گاعد بالبيت جاي يلعب بلي 4 .
    . دگ الايفون مالتة (اي لا تتعجبون.. هوه من ذاك الوكت عندة موبايل) اي اكمللكم..
    دگ الموبايل..
    جان حاط نغمة مال محمد السالم (المريخٍٍٍٍ).. شالة.. طلع (رئيس الجمهوريه مال روسيا)..
    گلة:حونيش..
    آسفين على الازعاج بس الوضعيه حيل عاوية..
    والجيش نصه راح بالزلك.. محتاجيك حيل.

    حونيش صفن..
    إتذكر أيام الطفوله..
    مِن چان يلعب دعابل بروسيا ويه إبن الوزير.

    گله :... إبطن عيني.. هسه بس أفوّل المولده التايگر للبيت.. وأجيكم

    والله ترس المولدة.. وچيـّـك الدهن.. وأخذ البايسكل مالتة

    .. ذباة (d).. وقبـّـط سكليتر.. وين؟؟..

    على الخط السريع مال (كركوك- موصل)..

    ومناك گال آخذ يمنه على روسيا...

    والله نص ساعه هوه بنص موسكو..

    بس شحچيلكم!!.. باردة ثلج.

    شغل التدفئة مال البايسكل و صعّد الجامات...
    والله گال الهم وين بيت رئيس الجمهوريه؟؟..

    گلولة بقطـّاع 20 يم مرطبات (علاوي جرثومه)

    وصل.. دگ الباب.. طلع أبو منذر (إبن الرئيس الروسي إسمه علي حميد لأن مرته من الديوانيه)..

    خطيه الرجال حالته جانت زفت.. حضنـّه..
    وگله الله جابك.. گله خير شكو؟؟..

    گال هيچ وهيچ السالفه..

    والالمان طبوا بينه گول..
    گلة.. صدگ چذب.. اني موجود وهيچ يصير!!!

    رايح.. منا ليومين ان شاء الله تسمع خير

    طلع راح على ولد يعرفه بروسيا اسمه (كاظم عضلة) هذا شقاوه مال بغداد چان وصديقة الروح بالروح.. گله كظومي هيچ وهيچ الفلم أريد أسلحه.. گلة تدلل شتريد؟؟.. گله اريد 65 صاروخ (أرض- أرض)..... و34 صاروخ (أرض- مي) اقصد (ارض- جو)..... و 89بي كي سي..... و فد 6784 رمانه يدويه...... و54564 لغم منوع بين مضاد للبشر ومضاد للدبابات

    والله حطهن بعلاگه..

    اخذهن وعدل وگٍبل للجبهه.. وين؟؟..

    بالخطوط الأماميه...

    ما اجذّب عليكم الوضعيه صدگ چانت داچـّه (يعني تعبانه).. يگول حونيش : بس اني اخوكم خوما اخاف!!.

    . لا يابه لا...
    گلتلهم للجنود انتوا لمـّوا چوالاتكم ورجعوا للبيوتكم.. مالكم علاقه.. السالفه يمي صارت

    باوعت يمنه.. يسره.. شحچيلكم بلـ (564674534 جندي ألماني).. وكل واحد راكب دبابة منفيست حديث..

    بس هوه تعرفونه سبع. نصبّ الصواريخ على چتفه وصيـّح... اني إلكم.. طبا طبا.. طاخ طاخ طاخ.. الزگه.. جيبه.. ودي.. الله.. إصلخه.. ألطمه (هاي موسيقه تصويريه).

    والله صفاهم بقوا بس 7 جنود ودبابتين وهوه باقيلة رمانه وعلچ أبو السهم...... شسوه؟

    .. لزگ العلچ أبو السهم بالرمانه وشمرها على الدبابة..

    لزگت بيها.. وچان تنفجر.

    بقت دبابة وحدة.. ركضت عليها وبيدة قلم أبو النبالات (لحد يگول منين جابة.. هوه إجه)...

    والله وبالقلم گطع السرفه (التايرات مال الدبابه يعني)..
    وگف... گـُمز عالقمارة.. فتح الباب.. نزّتهم بيدة.. واخذهم أسرى.

    طبعا وره ما هيچ سويه..

    إجه الرئيس الروسي وباسة من راسة وگلة:.. يا حونيش انته اقوه من گرندايزر والله..
    گله:.. لا ما سويت شي آني.. عادي.. وانطاه هديه سيارة لادا بعدها ما ماشيه بالچيس..
    واشترولة بنطرون كتان أصلي من الصين درجة أولى.. وبوتين أديداس أبو العلامة.

    رجع للبيت.. وشغل المولدة.. وگعد يتفرج (ساو)


    [​IMG]

    في امان الله واردت في هذا الموضوع التخفيف عن الاعضاء والضحك قليلا
    تحياتي لجميع اعضاء المنتدى بلا استثناء

    [​IMG]
     
  2. Dr.MOT

    Dr.MOT Support - Iq-Team

    الأنتساب:
    ‏2 سبتمبر 2011
    المشاركات:
    650
    الإعجابات المتلقاة:
    5,463
    نقاط الجائزة:
    93
    الجنس:
    ذكر
    الوظيفة:
    طالب
    الإقامة:
    IraQ
    رد: عليكم بداعه الشسمه اقرووهه للضحك

    وعليكم السلام ورحمة الله وبركاته

    هههههههه :ُ{eُe}: بس اتصور جان قلم جاف مو ابو النبلات

    روعه حبيبي واصل الله يوفقك :ُeُeU:
     
  3. مسلم السيلاوي

    مسلم السيلاوي DeveloPer Plus

    الأنتساب:
    ‏20 يوليو 2014
    المشاركات:
    154
    الإعجابات المتلقاة:
    4
    نقاط الجائزة:
    18
    رد: عليكم بداعه الشسمه اقرووهه للضحك


    شكرا حبي على مرورك نورت الموضوع بمرورك حبي

    انشاء الله اواصل بمواضيعي الجميله
     
  4. Ameer Eagle

    Ameer Eagle V • I • P

    الأنتساب:
    ‏7 يونيو 2014
    المشاركات:
    3,233
    الإعجابات المتلقاة:
    2,779
    نقاط الجائزة:
    113
    الجنس:
    ذكر
    الوظيفة:
    Student
    الإقامة:
    IraQ
    رد: عليكم بداعه الشسمه اقرووهه للضحك

    ههههههههههههههههههههه
    عجبني حبي
    واحلى لايك لعيونك حنوش
    حنشو اليوم اللعب جولة :ُeُe1z::ُeُe1z:
    ههههههههههههههههههه
    عشت حبي على الموضوع الجميل

     
  5. مسلم السيلاوي

    مسلم السيلاوي DeveloPer Plus

    الأنتساب:
    ‏20 يوليو 2014
    المشاركات:
    154
    الإعجابات المتلقاة:
    4
    نقاط الجائزة:
    18
    رد: عليكم بداعه الشسمه اقرووهه للضحك

    شكرا على مرورك الرائع اميير نورت الموضوع
    طبعا حنوش اذا سوبر مان همين ما يكدرله ههه
    تحياتي للجميع
     
  6. Gaza-Dz

    Gaza-Dz Support - Iq-Team

    الأنتساب:
    ‏26 مايو 2013
    المشاركات:
    1,827
    الإعجابات المتلقاة:
    96
    نقاط الجائزة:
    48
    الجنس:
    ذكر
    الوظيفة:
    DZ
    الإقامة:
    DZ
    رد: عليكم بداعه الشسمه اقرووهه للضحك

    روعه حبيبي واصل الله يوفقك:lolًٌُ:ٌ:{2}:
     
  7. مسلم السيلاوي

    مسلم السيلاوي DeveloPer Plus

    الأنتساب:
    ‏20 يوليو 2014
    المشاركات:
    154
    الإعجابات المتلقاة:
    4
    نقاط الجائزة:
    18
    رد: عليكم بداعه الشسمه اقرووهه للضحك

    شكرا حبيبي والف شكر على مرورك الرائع
     
  8. SiL3nT M4n

    SiL3nT M4n Developer

    الأنتساب:
    ‏19 مايو 2012
    المشاركات:
    55
    الإعجابات المتلقاة:
    1
    نقاط الجائزة:
    8
    الإقامة:
    im Syrian
    رد: عليكم بداعه الشسمه اقرووهه للضحك

    يعطيك العافية هههههه :ُeُiy:

    حنش مر من هناااا
     
  9. مسلم السيلاوي

    مسلم السيلاوي DeveloPer Plus

    الأنتساب:
    ‏20 يوليو 2014
    المشاركات:
    154
    الإعجابات المتلقاة:
    4
    نقاط الجائزة:
    18
    رد: عليكم بداعه الشسمه اقرووهه للضحك

    هههه الله يعافيك

    نورتنه بمرورك :{17}:
     
حالة الموضوع:
مغلق

مشاركة هذه الصفحة